Arnold 29.7.2002 - 23.4.2009 Liebe Noldi Mir vermisse di ganz fescht du bisch äs ganz spezieus Säuli gsi! I dim länge Läbe hesch du mänge grosse Schutzängu gha, immer wieder bisch du schwär chrank gsi u hesch äs trotz schlächte Prognose immer wieder gschafft. Ständige Zahnkorrekture, Kieferabszäss, Tumor u Verdouigsproblem bi Bolligers ir Klinik hei si di scho aui bim Name kennt "ou nei nid wider dr Arni". Immer we mir si hei cho hesch du quickt äh gschroue dass du äs Gudeli becho hesch, immer we mir kochet oder gässe hei bisch du am Gitter gstande u hesch quickt u bättlet, immer we mir znacht ufgstande si hets usem Chäfig gurret, du hesch für ornig bi dine Froue gsorget, du hesch di mit äm Fabio agfründet u di vo ihm la alänge u füettere obwou är nid immer so fin isch gsi. Noldi mir danke dir ganz fescht für di schöni Zyt wo mir mit dir hei verbracht! Du hinterlasch ä grossi Lücke i üsere Wohnig u i üsne Härze! Hoffentlich hesch du jetzt keni Schmärze mehr u hesch d'Nina, dr Nino u s Neri widertroffe, viellecht ou dr Mogli wo vor äme Monet isch gstorbe obwou du ihn nid so gärn hesch gha. Das isch s letschte Föteli vor dir u dim chlini Fründ gsi:
